Wednesday, February 13, 2013

و مش عاجب




وكالعادة صحيت الصبح
وكالعادة عدد اموات جديد فى الحصر
... وكالعادة سكوت م الناس
وكعادتهم كلاب القصر
شهادة زور وقناصة على الاسطح
وشاب ماشى فى مظاهرة لا بيكمل ولا يروح
ببات مقتول وبتحاكم على قتلى
وانا ميت بيصدر حكم اعدامى
عشان قالوا عنى متسلح
ومنعونى يكون لبسى بلون اسود
عشان مبقاش مع مشاغبين
انا لبسى بلون اسود
لأنى حزين
عشان نازل مع اصحابى ومش راجعين
عشان حرية معكوسة بتدى الحق للقاتلين
وانا المقتول انا مشاغب
ورغم الموت بنتحاكم ونتحاسب
ومش عاجب 

Sameh Shebl

Sunday, November 4, 2012

حبيبتي من ضفايرها طل القمر " سيد حجاب "

حبيبتى من ضفايرها طل القمر 
وبين شفافيها ندى الورد بات
ضحكتها بتهز الشجر والحجر 
وحنانها بيصحى الحياة فى النبات
حبيبتى بتعلمنى أحب الحياة
من حبى فيها حياتى شمس وربيع
والحب فى الدنيا دى طوق النجاة لولاه يضيع قلبي المحب الوديع
يا حلوة يا بلدنا يا نيل سلسبيل بحبك انت رفعنا راسنا لفوق لو الزمن ليِّل ما يرهبنا ليل شوقنا فى عروقنا يصحى شمس الشروق
للحلوة قلب كبير يضم الولاد وزاد وزوادة وضلة وسبيل الموت والاستشهاد عشانها ميلاد وكلنا عشاق ترابها النبيل
******* حبيبتى من تنهدها حن الوتر غنت سحر صوتها الشجر والنخيل واتعلم النجم البعيد السهر وساب سماه وسرح فى موجك يا نيل حبيبتى غنوتها غيطان الحنان شموسة صافية نورها ما ينطفيش فى حضنها بنرتاح ونلقى الأمان نعيشه حتى ان متنا ليها نعيش
يا حلوة يا بلدنا يا نيل سلسبيل بحبك انت رفعنا راسنا لفوق لو الزمن ليِّل ما يرهبنا ليل شوقنا فى عروقنا يصحى شمس الشروق
للحلوة قلب كبير يضم الولاد وزاد وزوادة وضلة وسبيل الموت والاستشهاد عشانها ميلاد
وكلنا عشاق ترابها النبيل

Tuesday, October 23, 2012

مجلة سمير "المجلة للأعمار من 8 حتى 88"

مجلة سمير
صدرت عام 1956م عن دار الهلال في مصر ومازالت تصدر. المجلة للعمار من 8 حتى 88.

حبيت افكركم بالطفولة و احساسنا و احنا صغيرين لما نسمع اسم مصر